ИСТИНА

Ibabahagi sa report na ito ang pagsisimula at ang naging pag-unlad ng pag-aaral at pagtuturo ng Pilolohiyang Filipino sa Rusya mula sa mga unang pagsisikap nina Dr. Vladimir Makarenko ng Institute of Oriental Languages (ngayo'y IAAS of Moscow State University), Dr.Sc. Igor Podberezsky ng MGIMO (MFA), at Dr. Evgeny Rackhov ng Leningrad (Saint-Petersburg) State University noong dekada 1950' hanggang sa kasalukuyan. Tiyak na sasagutin ang mga ano, bakit, at paano na maaaring sumaisip ninuman sa mga Filipino, kaugnay ng pagkakaroon ng ganitong akademikong programa sa Rusya. Magtutuong-pansin din sa mga napagtagumpayan na sa pagbuo ng mga materyal na panturo, sa pagsasalin ng mga tula, kuwento at nobela ng Pilipinas sa Rusya, at sa paraan ng pagtuturo ng Pilolohiyang Pilipino sa IAAS of MSU.